Xalq deputatlari Bag‘dod tumani Kengashining 23-Qorako‘l saylov okrugi deputati Sh.Xoldarov tomonidan Kengash kotibiyati mudiri G‘.Abdullayev hamda O‘zLiDeP tuman Kengashi apparat rahbari R.Yegitaliyev bilan birgalikda "Qo‘g‘oli" mahalla fuqarolar yig‘inida "mahalla yettiligi" faoliyati joyiga chiqib o‘rganildi.

🔍 O‘rganish jarayonida, avvalo, hokim yordamchisi tomonidan hududda aholi bandligini ta’minlash, tadbirkorlikni qo‘llab-quvvatlash hamda fuqarolarni kambag‘allikdan chiqarish borasida amalga oshirilayotgan ishlar tahlil qilindi. Belgilangan vazifalarning ijrosi, erishilgan natijalar va mavjud muammolar yuzasidan mas’ullarning axborotlari tinglandi.

👩‍👩‍👧‍👦 Shuningdek, mahalla xotin-qizlar faoli tomonidan xotin-qizlar bandligini ta’minlash, ularning ijtimoiy faolligini oshirish, muammolarini o‘rganish hamda manzilli qo‘llab-quvvatlash yo‘nalishida olib borilayotgan ishlar samaradorligi ham atroflicha ko‘rib chiqildi.

✅ O‘rganish yakunida aniqlangan kamchiliklarni bartaraf etish, mavjud imkoniyatlardan samarali foydalanish hamda aholi muammolarini tizimli hal etish bo‘yicha mas’ullarga tegishli tavsiya va topshiriqlar berildi.