Xalq demokratik partiyasi tuman Kengashi va Oʻzbekiston ekologik partiyasi tuman Kengashi tashabbusi bilan tumanda aholini sifatli ichimlik suvi bilan taʼminlash masalasi oʻrganilmoqda. "Oʻzsuvtaʼminot" AJ Jizzax viloyati Gʻallaorol tumani filialining bu borada olib borayotgan ishlari, soha boʻyicha qabul qilingan qonun, qaror va farmonlarning tumandagi ijrosi, aholining ushbu masala yuzasidan eʼtiroz va shikoyatlari, murojaatlarini hal etish maqsadida qilingan ishlar dastlab idorada muhokama qilindi. Deputatlar guruhlarga boʻlingan holda suv bilan taʼminlash boʻyicha chora-tadbirlar dasturi loyihalarni joylarga chiqqan holda koʻzdan kechirdi. Aniqlangan kamchiliklarni bartaraf etish yuzasidan masʼullarga tegishli koʻrsatmalar berilmoqda. Oʻrganish ishlari davom etmoqda...