Xalq deputatlari Andijon viloyati Kengashining “Andijon viloyatidagi “Og‘ir” tumanlarni kompleks rivojlantirish bo‘yicha dasturlarini tasdiqlash to‘g‘risida”gi qaroriga asosan tasdiqlangan loyihalarning amalga oshirilishi tuman Kengashi deputatlari tomonidan nazorat tartibida o‘rganildi.

O‘rganish jarayonida hududlarda olib borilayotgan qurilish-ta’mirlash ishlari, infratuzilmani yaxshilash hamda aholi turmush sharoitini yaxshilashga qaratilgan loyihalarning ijrosi ko‘zdan kechirildi.

Aniqlangan kamchiliklar yuzasidan mutasaddi tashkilotlar va mas’ullarga tegishli ko‘rsatma va tavsiyalar berildi. Loyihalarning sifatli va o‘z vaqtida amalga oshirilishi deputatlik nazoratiga olindi.

Hududlarni kompleks rivojlantirish, aholi farovonligini ta’minlash va infratuzilmani yanada takomillashtirish — ustuvor vazifalarimizdan biri bo‘lib qoladi.