🤝 Xususan, 14-“Bog‘zor” saylov okrugidan saylangan deputat O.Sharafutdinova Kengash kotibiyati bilan hamkorlik grafigi asosida "Gulira’no" MFYda bo‘lib, saylovchilar bilan ochiq muloqot o‘tkazdi. Deputat o‘z faoliyatini mahalliy Kengash deputatlari uchun belgilangan "24 ta eng muhim yo‘nalish" mezonlari asosida tashkil etdi.

🗣Uchrashuv davomida mahalla aholisining ijtimoiy, kommunal va huquqiy masalalardagi murojaatlari mahallaning o‘zida tinglandi. Fuqarolar tomonidan ko‘tarilgan har bir muammo atroflicha muhokama qilinib, ularni hal etish bo‘yicha «mahalla yettiligi» va tegishli tashkilot mas’ullariga aniq ko‘rsatma va topshiriqlar berildi.

🔍 O‘rganish davomida "mahalla yettiligi" bilan quyidagi dolzarb masalalar tahlil qilindi:

🔹 Yoshlar yetakchisining faoliyati, yigit-qizlar bandligini ta’minlash va bo‘sh vaqtlarini mazmunli tashkil etish holati;

🔹 Mahalladagi sport inshootlari va umumta’lim maktablarining holati, bolalar uchun yaratilgan sharoitlar;

🔹 Boshqaruv servis kompaniyalari faoliyati, ko‘p qavatli uylarning yo‘laklari (pod’yezd), yerto‘lalari tozaligi hamda atrof maydonlarning yoritilganlik darajasi;

🔹 Hududdan chiqindilarni o‘z vaqtida olib chiqib ketish tizimi.

🧹 Shuningdek, deputat mahallada olib borilayotgan obodonlashtirish ishlari bilan tanishib, mavjud kamchiliklarni bartaraf etish bo‘yicha mas’ullarga tegishli tavsiya va ko‘rsatmalar berdi.

✅ Maqsadimiz — xalq ichiga kirib, har bir fuqaroning dardini tinglash va muammolariga amaliy yechim topish!