23-Nayman saylov okrugi tuman Kengash deputati Nurmamatova Sadoqat tashabbusi bilan Qozoq Nayman, Mirzato’p hamda Nayman mahallalarida istiqomat qiluvchi aholi uchun chuqurlashtirilgan tibbiy ko‘rik tashkil etildi.

Mazkur tibbiy ko‘rik zamonaviy, yuqori aniqlikka ega diagnostik uskuna va apparatlar asosida o‘tkazildi. Fuqarolar malakali shifokorlar tomonidan ko‘rikdan o‘tkazilib, sog‘lig‘i bilan bog‘liq mavjud muammolar erta bosqichda aniqlash imkoniyatiga ega bo‘ldilar.

Tashabbus doirasida ayniqsa yoshi katta fuqarolar, surunkali kasallikka chalingan bemorlar hamda ijtimoiy himoyaga muhtoj aholi qatlamiga alohida e’tibor qaratildi. 

Ko‘rik jarayonida zarur tavsiyalar berildi va qo‘shimcha tekshiruv hamda davolanish uchun yo‘llanmalar taqdim etildi.

Mazkur amaliy tashabbus aholi salomatligini mustahkamlash, kasalliklarning oldini olish hamda hududda sog‘lom turmush tarzini keng targ‘ib qilishga xizmat qilmoqda.