Xalq deputatlari Sardoba tumani Kengashi bosh mutaxassisi L. Toshquvvatov tomonidan tuman Kengashi deputati S.Abduvaliyevaning tashabbusi bilan tuman markazidagi oziq-ovqat do‘konlarida asosiy iste’mol mahsulotlari narx-navolari hamda aholiga xizmat ko‘rsatish holati o‘rganildi.
O‘rganish jarayonida un, o‘simlik yog‘i, shakar, guruch, go‘sht, tuxum va boshqa ijtimoiy ahamiyatga ega oziq-ovqat mahsulotlarining narxlari, mahsulotlar zaxirasi, sifat ko‘rsatkichlari hamda xaridorlar uchun yaratilgan shart-sharoitlar ko‘zdan kechirildi.
Shuningdek, savdo obyektlarida narxlar to‘g‘risidagi ma’lumotlarning ochiqligi va xizmat ko‘rsatish madaniyatiga ham alohida e’tibor qaratildi.
O‘rganish natijalariga ko‘ra, mas’ul tashkilotlarga ichki iste’mol bozorida narxlar barqarorligini ta’minlash, aholini sifatli oziq-ovqat mahsulotlari bilan uzluksiz ta’minlash hamda savdo xizmatlari sifatini yana-da oshirish yuzasidan tegishli tavsiyalar berildi.
Mazkur masala yuzasidan amalga oshirilayotgan ishlar Xalq deputatlari Sardoba tumani Kengashining deputatlik nazoratiga olindi.