Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan deputat Artikov Davron Omarbayevich hududdagi ichki ko‘chalarda amalga oshirilayotgan gaz tarmoqlarini yangilash ishlarining borishini o‘rgandi.

🔍 O‘rganish davomida ayrim joylarda yer ostida qolib ketgan hamda aholi yashash xonadonlari oldidan tartibsiz tarzda o‘tgan gaz quvurlarini yer ustiga chiqarish, eskirgan quvurlarni yangilariga almashtirish va tarmoqlarni tartibli, estetik ko‘rinishga keltirish ishlari ko‘zdan kechirildi.

📌 Amalga oshirilayotgan ishlar gaz ta’minoti tizimining texnik holatini yaxshilash, xavfsizlikni oshirish hamda mahalla ichki ko‘chalarining obod va tartibli ko‘rinishini ta’minlashga xizmat qilmoqda.

🤝 Deputatlik nazorati doirasidagi bunday o‘rganishlar hududdagi muhim masalalarni joyida ko‘rish va ularning amaliy yechimiga e’tibor qaratish imkonini beradi.