🏛 Navbatdagi sessiya oldidan mahallada o‘rganish ishlari olib borildi

Xalq deputatlari Sherobod tumani Kengashi raisi O. Tursunov tomonidan Oyinli mahallasida deputatlik faoliyatining ustuvor 24 yo‘nalishi doirasida mahalla yettiligi bilan uchrashuv o‘tkazildi.

🔹 Uchrashuv davomida kambag‘allikni qisqartirish bo‘yicha amalga oshirilayotgan ishlar, aholi bandligini ta’minlash, fuqarolarni tadbirkorlikka jalb etish, o‘zini o‘zi band qilish va daromadli mehnatga yo‘naltirish, shuningdek, ijtimoiy himoyaga muhtoj oilalarni qo‘llab-quvvatlash hamda ijtimoiy yordam va ko‘mak mexanizmlarining amaldagi holati atroflicha muhokama qilindi.

📋 Shuningdek, mahallada "mahallabay" ishlash tizimi doirasida olib borilayotgan ishlar, "mahalla yettiligi" hamkorligida amalga oshirilayotgan chora-tadbirlar, ehtiyojmand fuqarolar bilan ishlash, bandlik dasturlari ijrosi hamda aholi murojaatlarini o‘z vaqtida va samarali hal etish masalalari yuzasidan mas’ullar bilan fikr almashildi.

✅ Uchrashuv yakunida aniqlangan masalalar yuzasidan tegishli taklif va tavsiyalar ishlab chiqilib, ularning ijrosini ta’minlash hamda mavjud muammolarni bartaraf etish bo‘yicha mas’ullarga tegishli topshiriqlar berildi. O‘rganish natijalari Xalq deputatlari Sherobod tumani Kengashining navbatdagi sessiyasida muhokama etiladigan masalalar yuzasidan muhim asos bo‘lib xizmat qiladi