Mustaqilligimizning 35 yilligi munosabati bilan obodonlashtirish ishlari amalga oshirildi

Mustaqilligimizning 35 yilligi munosabati bilan xalq deputatlari Navoiy shahar Kengashi deputati, 14-Ziyokor saylov okrugi deputati Xudayqulova Nargiza Gaybullayevna tashabbusi bilan Bahor mahallasida obodonlashtirish ishlari tashkil etildi.

Tadbirda mahalla faollari va aholi vakillari faol ishtirok etib, hududni obodonlashtirish, ko‘chalar hamda jamoat joylarini tartibga keltirish, yashil hududlarni parvarishlash va atrof-muhit tozaligini ta’minlash bo‘yicha amaliy ishlar bajarildi.

Obodonlashtirish tadbiri davomida aholi va deputatning hamkorligi, fuqarolarning o‘z yashash hududiga daxldorlik hissini yanada mustahkamlash, mahallalarda obodonlashtirish madaniyatini yuksaltirish hamda Mustaqillik bayramini munosib kutib olishga qaratilgan tashabbuslarning ahamiyati alohida ta’kidlandi.

Mazkur tadbir hududni yanada obod va ko‘rkam qilish, aholi farovonligini oshirish hamda jamiyatda hamjihatlik va birdamlik muhitini mustahkamlashga xizmat qildi.