Xalq deputatlari tuman Kengashi kotibiyati bosh mutaxassisi J. Ahmadaliyev Uchko‘prik mahallasida bo‘lib, mahalla fuqarolar yig‘ini raisi hamda profilaktika inspektori bilan uchrashdi. Uchrashuv davomida mahallada jamoat xavfsizligini ta’minlash, huquqbuzarliklarning oldini olish, fuqarolar murojaatlarini o‘z vaqtida ko‘rib chiqish hamda ijtimoiy muammolarni tizimli hal etish borasida amalga oshirilayotgan ishlar muhokama qilindi. Shuningdek, mahallada tinchlik-osoyishtalikni mustahkamlash, aholi bilan manzilli ishlash, profilaktik tadbirlar samaradorligini oshirish hamda davlat organlari va mahalla institutlari o‘rtasidagi hamkorlikni yanada kuchaytirish masalalari yuzasidan fikr almashildi. Suhbat yakunida hududdagi mavjud muammolarni o‘z vaqtida aniqlash va ularni bartaraf etishda o‘zaro hamkorlikni izchil davom ettirish yuzasidan tegishli tavsiyalar berildi.