Jazǵı dem alıs dáwirinde ulıwma bilim beriw mektepleri oqıwshıları, studentler hámde máhálle jaslarınıń bos waqtın mazmunlı shólkemlestiriw maqsetinde rayon dárejesinde ámelge asırılıp atırǵan "Áhmiyetli toqsan kúnlik" ilajları sheńberinde Xalıq deputatları Bozataw rayonlıq Keńesi 6-sanlı "Ándijan" saylaw okruginen (ÓzXDP) saylanǵan deputat Sh.Berdaxov hám 3-sanlı "Mádeniyat" saylaw okruginen (ÓzXDP) saylanǵan deputat G.Yusupova rayonlıq sport mektebinde úyreniw jumısların alıp bardı.
Úyreniw dawamında deputatlar sport mektebiniń sırtqı abadanlastırıw jaǵdayı, sport maydanshaları, oqıw-shınıǵıw zalı, sport inventarları hám jaslar ushın jaratılǵan sharayatlar menen jaqınnan tanıstı. Sonday-aq, jazǵı dem alıs dáwirinde mektepte shólkemlestiriletuǵın sport dógerekleri, shınıǵıw processleri hám jaslardıń bos waqtın mazmunlı ótkeriw boyınsha alıp barılıp atırǵan jumıslar úyrenildi.
Deputatlar jaslardıń sport penen turaqlı shuǵıllanıwına qolaylı sharayat jaratıw, salamat turmıs tárizin qáliplestiriw hám "Áhmiyetli toqsan kúnlik" ilajlarınıń sapalı ámelge asırılıwı boyınsha tiyisli usınısların bildirdi.
Úyreniw juwmaǵında anıqlanǵan máselelerdiń sheshiliwin támiyinlew hám jaslar ushın jaratılǵan imkaniyatlardı bunnan bılay da jaqsılaw boyınsha jumıslar deputatlıq qadaǵalawǵa alındı.