Xalq deputatlari Pastdarg‘om tuman Kengashining navbatdagi sessiyasi kun tartibiga tuman veterinariya va chorvachilikni rivojlantirish bo‘limi boshlig‘ining hisoboti kiritilganligi munosabati bilan deputatlar tomonidan joylarda sessiya oldi o‘rganish ishlari davom ettirilmoqda.

Jumladan, tuman Kengashi deputati D. Jabborova tomonidan Elbek mahallasida istiqomat qiluvchi fuqarolar xonadonlariga tashrif buyurilib, veterinariya xizmatlarining ko‘rsatilish holati, chorva mollari salomatligini saqlash, profilaktik emlash tadbirlarining tashkil etilishi hamda sohaga oid mavjud muammolar o‘rganildi.

O‘rganish davomida aholi fikr va takliflari tinglanib, aniqlangan masalalarni bartaraf etish yuzasidan tegishli mutasaddilarga tavsiyalar berildi.

Mazkur o‘rganish natijalari navbatdagi sessiyada veterinariya sohasi faoliyatiga xolis baho berish va mavjud muammolar yechimi yuzasidan zarur choralarni belgilashda muhim ahamiyat kasb etadi.