Oldin xabar berganimizdek Xalq deputatlari Taxiatosh tumani Kengashiga Oʻzbekiston Xalq demokratik partiyasidan saylangan deputat Taganberdiyev Galpak Arazdurdiyevich tomonidan tumanimizda fuqarolarning turmush sharoitlarini yaxshilash, mahallani obodonlashtirish, ko'kalamzorlashtirish maqsadida tegishli tashkilotlarga deputatlik so‘rovlari yuborilgan edi.

📍 Jumladan, deputat tomonidan Taxiatosh tumani Obodonlashtirish boshqarmasi boshlig‘i F.Bekjanov nomiga yuborilgan deputatlik so‘rovida “Naymanko‘l” ovul fuqarolar yig‘inidagi “Urush qatnashchilari” yodgorligi (Памятник) ning yon-atroflarida obodonlashtirish, chiqindilardan tozalash ishlariga zarurat tug‘ilayotganligi hamda ushbu holatni bartaraf etish zarurligi ko‘tarilgan edi.

🔍 Murojaat tegishli tartibda ko‘rib chiqilib, masala mutaxassislar ishtirokida o‘rganildi.

Bugun esa amaliy natija sifatida ushbu masala ijobiy hal qilinib, Taxiatosh tumani Obodonlashtirish boshqarmasining tegishli buyrug'i asosida “Urush qatnashchilari” yodgorligi (Памятник) ning yon-atroflarida obodonlashtirish, chiqindilardan tozalash ishlari uchun alohida ishchi biriktirildi.

📌 Deputatlik nazorati va fuqarolar murojaatlariga asoslangan amaliy ishlar hududlarda mavjud muammolarni bartaraf etish, aholining turmush sifatini yaxshilash hamda kommunal infratuzilmani yanada takomillashtirishga xizmat qilmoqda.