“Sog‘lom jamiyat — kuchli davlat” g‘oyasi
mamlakatimizda inson qadri va aholi salomatligini ta’minlashga qaratilgan
islohotlarning amaliy ifodasi bo‘lmoqda. Ana shu ezgu maqsad yo‘lida
Qo‘shko‘pir tuman Ko‘p tarmoqli markaziy poliklinikasi shifokorlari tomonidan
Taraqqiyot va Madaniyat mahallasida istiqomat qiluvchi 70 nafar fuqaro chuqur
tibbiy ko‘rikdan o‘tkazildi. 

Tadbir jarayonida aholi salomatligini muhofaza qilish,
profilaktik tibbiyotni kuchaytirish hamda ijtimoiy himoyaga muhtoj qatlamlarni
qo‘llab-quvvatlash masalalariga alohida e’tibor qaratildi. 

Ushbu xayrli tashabbusda O‘zbekiston Xalq demokratik
partiyasi Qo‘shko‘pir tuman kengashi raisi O.Yusupova hamda Xalq deputatlari
Qo‘shko‘pir tuman Kengashi deputati Sattarova Dinora Jumanazarovna ishtirok
etib, aholi bilan muloqot qildi, fuqarolarning murojaat va takliflarini
tingladi. 

Bunday amaliy ishlar yurtimizda inson manfaatlarini
ulug‘lash, xalq salomatligini muhofaza qilish va kuchli fuqarolik jamiyatini
barpo etish yo‘lida olib borilayotgan islohotlarning yana bir yorqin namunasi
bo‘ldi.