Xalq deputatlari Paxtakor tumani Kengashi kotibiyati mudiri K.Mamanova hamda reglament va deputatlik odob-axloqi masalalari bo‘yicha doimiy komissiya a’zolari bilan birgalikda tegishli tashkilotlarga yuborilgan deputatlik so‘rovlariga o‘z vaqtida javob berish holatlari atroflicha o‘rganib chiqildi.

O‘rganish jarayonida deputatlik so‘rovlarining belgilangan tartibda ro‘yxatga olinishi, ijroga yo‘naltirilishi, ko‘rib chiqilish muddatlariga rioya etilishi hamda berilgan javoblarning amaldagi qonunchilik talablariga muvofiqligi batafsil tahlil qilindi. Shuningdek, ayrim hollarda so‘rovlarga kechiktirib javob berish yoki yuzaki yondashish holatlariga ham alohida e’tibor qaratildi.

Deputatlik so‘rovlarining ijro intizomini mustahkamlash, murojaatlarga o‘z vaqtida va sifatli javob berishni ta’minlash masalalari chuqur o‘rganildi.