Mahallalarda xotin-qizlarning huquq va manfaatlarini
himoya qilish, oilalardagi ijtimoiy-ma’naviy muhitni sog‘lomlashtirish borasida
xotin-qizlar faollari tomonidan amalga oshirilayotgan ishlar samaradorligi
navbatdagi nazorat tadbirining diqqat markazida bo‘ldi.

Mazkur o‘rganish ishlari Ekologiya partiyasidan
saylangan 7-Birdamlik saylov okrugi deputati A.Mo‘minov hamda kotibiyat bosh
mutaxassisi L.Iskandarov tomonidan olib borildi.

O‘rganish davomida aniqlangan holatlar va
ko‘rsatkichlar:

Xatlov jarayoni: Mahalladagi xotin-qizlarning ijtimoiy
holatini aniqlash maqsadida jami 184 ta ayollar so‘rovnomasi (anketasi)
to‘ldirilib, ularning muammolari va ehtiyojlari tahlil qilingan.

Oilaviy muhit: Hududda oilaviy ajrimlarning oldini
olish borasida manzilli ishlar tashkil etilgan. Jumladan, 2 ta ajrim yoqasiga
kelib qolgan va 2 ta notinch oila bilan yakka tartibda profilaktik suhbatlar
o‘tkazilib, vaziyatni ijobiy tomonga o‘zgartirish choralari ko‘rilmoqda.

Huquqbuzarliklar profilaktikasi: Amalga oshirilgan
tizimli chora-tadbirlar natijasida hududdagi xotin-qizlar orasida profilaktik
hisobda hamda nazoratda turgan ayollar mavjud emas.

Deputat va mutaxassis tomonidan mahalla xotin-qizlar
faolining ishi samarali deb baholanib, kelgusida "Ayollar daftari"
bilan ishlash, xotin-qizlarni kasb-hunarga yo‘naltirish va oilaviy nizolarni
barvaqt oldini olish bo‘yicha qo‘shimcha tavsiyalar berildi.