Xalq deputatlari Paxtakor tuman Kengashi raisi, deputat Suvanqulov Shohhasan Paxtakor tuman 1-son texnikumi o‘quvchilari bilan uchrashuv o‘tkazdi. Uchrashuv davomida yoshlarga agrobiznes sohasining bugungi kundagi ahamiyati, ushbu yo‘nalishda mavjud imkoniyatlar hamda ishlab chiqarish jarayonlarini samarali tashkil etish bo‘yicha atroflicha tushunchalar berildi.

Deputat o‘z so‘zida qishloq xo‘jaligi va ishlab chiqarish tarmoqlarida zamonaviy yondashuvlarni qo‘llash, innovatsion texnologiyalardan foydalanish hamda bozor talablariga mos mahsulot yetishtirish muhimligini ta’kidladi. 

Mazkur muloqot yoshlarning kasbga bo‘lgan qiziqishini oshirish, ularni tadbirkorlik ruhida tarbiyalash hamda bandligini ta’minlashga xizmat qilishi bilan ahamiyatlidir.