Mahalla faollari bilan
uchrashuv — hudud muammolari yechimi yo‘lida 

🔷 Xalq deputatlari Farg‘ona tuman
Kengashi deputati Bumayram Sobirova
tomonidan belgilangan reja-jadval asosida Yambaroq MFY hududida mahalla “yettiligi”
a’zolari bilan ochiq va samarali uchrashuv o‘tkazildi. Uchrashuv davomida mahalladagi
mavjud muammolar va aholini qiynayotgan masalalar atroflicha muhokama qilindi. 

🔷 Suhbat jarayonida mahalla faollari
tomonidan elektr ta’minotini yanada yaxshilash maqsadida Dovon ko‘chasiga 1 dona
transformator punkti (TP) o‘rnatish, shuningdek mahalla guzariga tutash hududda
joylashgan ko‘prik yonida 15 metr piyodalar yo‘lakchasi qurish zarurligi ta’kidlandi. 

🔷 Ko‘tarilgan masalalar yuzasidan
tegishli idora va tashkilotlar mas’ullariga aniq vazifalar belgilab berildi. Barcha
murojaatlar deputatlik nazoratiga olinib, ularning ijrosini ta’minlash va muammolarga
amaliy yechim topish bo‘yicha ishlar doimiy ravishda kuzatib borilishi qayd etildi. 

✅ Bunday uchrashuvlar aholi bilan
ochiq muloqotni kuchaytirish, hududlardagi dolzarb muammolarni o‘z vaqtida aniqlash
va ularni bosqichma-bosqich hal etishda muhim ahamiyat kasb etmoqda. 

Telegram | Facebook | YouTube