Xalq deputatlari Termiz shahar Kengashi kotibiyati mudiri A.Ashurov "Abdulla Avloniy" mahallasidagi 19-sonli Maktabgacha ta'lim muassasasi (MTT)ning qaror asosida 280 o‘rinli binoda rekonstruksiya qilish ishlarini o‘rganib chiqdi.

O‘rganish davomida aniqlangan kamchiliklar yuzasidan tegishli mas’ullarga vazifalar yuklatildi. Ushbu rekonstruksiya jarayoni shahar aholisi, xususan, yosh avlod uchun zamonaviy va sifatli ta'lim muhitini yaratishda muhim ahamiyat kasb etadi.

Deputat nazoratining maqsadi:

⏺Davlatimiz rahbari tomonidan belgilangan ijtimoiy infratuzilmani rivojlantirish dasturlarining sifatli va o‘z vaqtida bajarilishini ta'minlash.

⏺Qarorda ko‘zda tutilgan 280 o‘rinli zamonaviy MTT binosining qurilish jarayonida sifat standartlariga rioya etilishini nazorat qilish.

⏺Muddati o‘tgan yoki texnik jihatdan eskirgan binolarni rekonstruksiya qilish orqali xavfsiz va qulay ta'lim muhitini yaratish.

Deputat nazorati va nazorat tadbirlari shahrimizda ijtimoiy infratuzilmani yanada rivojlantirish, aholining turmush sifatini yaxshilash yo‘lidagi muhim qadam bo‘lib qoladi.