Deputat sorawı óz sheshimin taptı

Húrmetli Prezidentimiz tárepinen qabıl etilip atırǵan párman hám qararlar tiykarında Qanlıkól rayonında xalıqtıń turmıs sharayatın jaqsılawǵa qaratılǵan keń kólemli qurılıs ońlaw jumısları izbe-iz ámelge asırılmaqta. Sarı altın APJ Beg jap elatlı punkti rayon orayınan derlik 45km alısta jaylasqan bolıp, uzaq jıllar dawamında xalıqtı ishimlik suwı mashqalası qıynap kelgen edi.

Usı másele boyınsha xalıq deputatları rayonlıq Keńesi deputatı D.Ametov tárepinen ótken 2025-jılı “Qaraqalpaq suw táminatı” AJ Qanlıkól rayonı bólimine deputatlıq soraw shıǵarılǵan edi.

Búgin Begjapshılarda úlken quwanısh. Aymaqtaǵı 175 shańaraqta jasawshı 1200 den aslam puqaralar ushın ishimlik suw tarmaǵın tartıw jumıslarına start berildi.

Usı múnásibet penen rayon hákimi B.Sultanov hám basqalar jıynalǵanlardı jańa istiń baslanıwı menen qutlıqlap, jumıstı tez hám sapalı juwmaqlaw islerine toqtaldı.

Xalıq deputatları Qanlıkól rayonlıq Keńesi

https://t.me/kanlikul_deputatlar_kenesi_2019