Xalq deputatlari tuman Kengashi deputatlarining 2026 yil mart oyi davomida o‘z saylov okruglarida saylovchilar bilan uchrashuvlarini o‘tkazish reja-jadvaliga muvofiq, 1-"Navro‘z" saylov okrugi deputati Uralov Mamasoli Robbimovich tomonidan "Navro‘z" mahallasida saylovchilar bilan uchrashuv tashkil etildi.

Uchrashuv davomida ochiq muloqot muhitida fuqarolarning taklif va murojaatlari tinglandi. Aholini qiynab kelayotgan ijtimoiy, infratuzilmaviy va maishiy masalalar atroflicha muhokama qilindi. Har bir murojaat yuzasidan tegishli tartibda o‘rganish olib borilishi, masalalarning qonuniy va amaliy yechimini ta’minlash choralarini ko‘rish belgilab olindi.

Shuningdek, ko‘tarilgan muammolar bo‘yicha deputat so‘rovi chiqarish hamda mutasaddi tashkilotlar bilan hamkorlikda aniq choralar ko‘rish deputat tomonidan o‘z zimmasiga olindi.

Mazkur uchrashuv aholining manfaatlarini himoya qilish, joylardagi muammolarni bevosita o‘rganish va ularni bartaraf etish borasidagi ishlarning izchil davom ettirilayotganidan dalolat beradi.