✔️Unda komissiya a’zolari tomonidan hudud ijtimoiy hayotiga daxldor bir qator muhim masalalar atroflicha muhokama qilindi.

✔️Yig‘ilish kun tartibidagi asosiy masalalardan biri — O‘zbekiston Respublikasi Prezidentining 2025-yil 19-maydagi “2025–2030-yillarda bolalar saratoniga qarshi kurashish bo‘yicha O‘zbekiston Respublikasi milliy strategiyasini amalga oshirish chora-tadbirlari to‘g‘risida”gi PQ-186-sonli qarori ijrosi yuzasidan olib borilayotgan ishlar tahliliga bag‘ishlandi. Mazkur masala yuzasidan tuman sog‘liqni saqlash bo‘limi boshlig‘i Lola Rustamova hisobot berdi.

✔️Hisobotda tumanda bolalar salomatligini muhofaza qilish, onkologik kasalliklarni erta aniqlash, profilaktika tadbirlarini kuchaytirish, tibbiy xizmat sifatini oshirish hamda aholining tibbiy madaniyatini yuksaltirish borasida amalga oshirilayotgan ishlar haqida batafsil ma’lumot berildi. Shuningdek, mavjud muammolar va ularni bartaraf etish yuzasidan rejalashtirilgan chora-tadbirlar ham muhokama markazida bo‘ldi.

✔️Komissiya a’zolari tomonidan bildirilgan taklif va mulohazalar asosida masalaga oid tegishli xulosalar shakllantirildi. Yig‘ilish yakunida ko‘rib chiqilgan barcha masalalarni Xalq deputatlari Toyloq tumani Kengashining navbatdagi sessiyasi kun tartibiga kiritish uchun tavsiya etish to‘g‘risida qaror qabul qilindi.

✅ https://t.me/Toyloq_tuman_Kengashi