🟢 SHEROBOD TUMANIDAGI “KATTABOG‘” MAHALLASIDA DEPUTATLIK NAZORAT-TAHLIL TADBIRI O‘TKAZILDI

Sherobod tumanining “Kattabog‘” mahallasida deputatlik nazorat-tahlil tadbiri o‘tkazilib, hududdagi mavjud muammolar va aholi uchun dolzarb masalalar joyiga chiqqan holda o‘rganildi.
Tadbirda xalq deputatlari viloyat Kengashi Kotibiyati mudiri Sh.Boyqulov, tuman Kengashi Kotibiyati bosh mutaxassisi Sh. Xo‘janazarov hamda tegishli mas’ullar ishtirok etdi.
📍 JOyiga chiqib o‘rganildi
O‘rganish davomida D-163 “Sherobod–Poshkhurt–Oqtosh–Tuzkon” avtomobil yo‘lining holati ham ko‘zdan kechirildi.
Umumiy uzunligi 30 km bo‘lgan mazkur yo‘lning 2026-yilda 10 km qismini asfaltlash rejalashtirilgan bo‘lib, ayni paytda 3 km qismida asfaltlash ishlari bajarilgan.
Mazkur ishlar O‘zbekiston Respublikasi Prezidentining 386-son qarori asosida amalga oshirilmoqda.
🏘 MAHALLADAGI MUAMMOLAR O‘RGANILDI
Mahalla mas’ullari bilan muloqot davomida aholini qiynayotgan qator masalalar muhokama qilindi.
Xususan:
🔹 maishiy gaz ballonlarining o‘z vaqtida yetkazib berilmasligi;
🔹 elektr energiyasi ta’minotidagi muammolar;
🔹 aholi tomonidan bildirilgan boshqa taklif va murojaatlar.
📌 MUAMMO — TEGISHLI TASHKILOTGA MUROJAAT
O‘rganish davomida aniqlangan muammolar yuzasidan shu kunning o‘zida tegishli tashkilotlarga deputatlik so‘rovlari yuborildi.
Shuningdek, xalq deputatlari viloyat Kengashi sessiyasi oldidan kun tartibiga kiritiladigan masalalar bo‘yicha mahalla aholisi va mas’ullarning takliflari ham o‘rganildi.
Deputatlik nazorat-tahlil tadbirlarining asosiy maqsadi — muammolarni joyiga chiqqan holda aniqlash, ularni mas’ul tashkilotlar oldiga qo‘yish va yechimini nazoratga olishdan iborat.
📢 Yuborilgan deputatlik so‘rovlari va ular bo‘yicha ko‘rilayotgan choralar haqida keyingi xabarlarimizda ma’lumot berib boramiz.

Xalq deputatlari Sherobod tumani Kengashi kotibiyati matbuot xizmati.