Jiydali mahallasida kartoshkachilikni rivojlantirish bo‘yicha loyiha amalga oshirilmoqda
Xalq deputatlari G‘allaorol tumani Kengashi sessiyasida tanqid qilingan hamda amalga oshirish muddati kechikayotgan loyiha Jiydali mahallasida izchil davom ettirilmoqda. Mahallada 20 gektar maydonda kartoshkachilikni rivojlantirish uchun zarur infratuzilma yaratilmoqda. Shu maqsadda artezian suvi chiqarilib, ekin maydonlarini samarali sug‘orish uchun yomg‘irlatib sug‘orish texnologiyalarini joriy etish ishlari olib borilmoqda. Mazkur loyiha orqali yer maydonlaridan unumli foydalanish, suv resurslarini tejash hamda kartoshka yetishtirish hajmini oshirish ko‘zda tutilgan. Jarayon bilan Kengash kotibiyati mudiri B.Qorajonov tanishdi. Amalga oshirilayotgan ishlarning sifati va belgilangan muddatlarda yakunlanishi mas’ullar tomonidan nazoratga olingan.