Xalq deputatlari Pastdarg‘om tumani Kengashi deputati faoliyatining eng muhim yo‘nalishlari bo‘yicha Tavsiyalarning 6-bandi ijrosini ta’minlash maqsadida deputat D. Jabborova tomonidan Sanchiqul MFYda o‘rganish ishlari olib borildi.
O‘rganish davomida mahalladagi xotin-qizlar faoli Luiza To‘rayevaning faoliyati, xotin-qizlar bilan ishlash, ularning bandligini ta’minlash hamda muammolarini hal etish borasidagi ishlari ko‘zdan kechirildi.
📊 Mahallada jami 2 280 nafar ayol istiqomat qiladi. Shundan 18 nafari mehnat migratsiyasida ekani, 30 nafar xotin-qiz “Ayollar daftari”ga kiritilgani aniqlandi. Mazkur xotin-qizlarni ish bilan ta’minlash va bandligini oshirish bo‘yicha tegishli choralar ko‘rilmoqda.
Shuningdek, Sanchiqul MFY fuqarosi Toshboyeva Nargizaning murojaati ham o‘rganildi. Murojaatda fuqaroning tadbirkorlik faoliyatini kengaytirish maqsadida kredit olish masalasi ko‘tarilgan.
Murojaat yuzasidan tegishli tashkilotlarga murojaat qilinib, masala joyida ijobiy yechim topdi.
📌 Deputatlik faoliyatida xotin-qizlarning bandligini ta’minlash, ularning tadbirkorlik tashabbuslarini qo‘llab-quvvatlash va fuqarolar murojaatlarini amaliy hal etishga alohida e’tibor qaratilmoqda.