Xalq deputatlari Qo‘qon shahar Kengashiga 22-“Charxini ko‘prigi” saylov okrugidan saylangan deputat G.Rasulova tomonidan “Yalang‘och ota” mahalla fuqarolar yig‘inida “mahalla yettiligi” faoliyatini o‘rganish maqsadida uchrashuv o‘tkazildi.

Uchrashuv davomida mahallada aholi bilan ishlash, fuqarolarning murojaatlarini o‘z vaqtida ko‘rib chiqish, ijtimoiy himoyaga muhtoj oilalarni qo‘llab-quvvatlash hamda aholi bandligini ta’minlash borasida amalga oshirilayotgan ishlar muhokama qilindi.

Shuningdek, mahalladagi mavjud muammolarni aniqlash va bartaraf etish, ehtiyojmand oilalarni manzilli qo‘llab-quvvatlash, yoshlar va xotin-qizlar bilan ishlash, tadbirkorlikni rivojlantirish hamda fuqarolarning doimiy daromad manbalariga ega bo‘lishiga ko‘maklashish masalalariga alohida e’tibor qaratildi.

Muloqot davomida “mahalla yettiligi” a’zolarining fikr va takliflari tinglanib, belgilangan vazifalarni samarali amalga oshirish, aholi muammolarini joyida hal etish hamda tegishli tashkilotlar bilan hamkorlikni kuchaytirish yuzasidan fikr almashildi.

Mahallada olib borilayotgan ishlar samaradorligini oshirish va fuqarolar murojaatlarining o‘z vaqtida hal etilishini ta’minlash masalalari deputatlik nazoratida.

Xalq deputatlari Qo‘qon shahar Kengashi