Xalq deputatlari Xorazm viloyati Kengashi deputati Sh.Kurbonsaidova tomonidan Urganch tumani “Turkmanlar” mahallasida joylashgan “Do‘stlik uyi”da tashkil etilgan rasmlar ko‘rgazmalari hamda aholi uchun yaratilgan qulayliklar o‘rganildi.
O‘rganish davomida maskanda namoyish etilayotgan tasviriy san’at asarlari, rasmlar ko‘rgazmalarining tashkil etilishi va tashrif buyuruvchilar uchun yaratilgan sharoitlar bilan tanishildi. Shuningdek, “Do‘stlik uyi”ning madaniy-ma’rifiy faoliyati, aholining san’atga bo‘lgan qiziqishini oshirish hamda ijodiy salohiyatini namoyon etish uchun yaratilgan imkoniyatlarga e’tibor qaratildi.
Bunday maskanlar aholining madaniy hordiq chiqarishi, san’at asarlari bilan yaqindan tanishishi va milliy madaniy qadriyatlarni asrab-avaylashda muhim ahamiyat kasb etadi.