Xalq deputatlari Termiz shahar Kengashning 4-“Bo‘ston” saylov okrugi deputati G.Abramatova hamda kotibiyat bosh mutaxassisi R.Mamashukurov tomonidan “Jayhun” mahallasida deputatlik nazorat-tahlil tadbiri o‘tkazildi.

O‘rganish davomida mahalla raisi hamda ijtimoiy xodim bilan suhbat o‘tkazilib, aholi murojaatlari bilan ishlash, ijtimoiy ko‘makka muhtoj oilalarni qo‘llab-quvvatlash va fuqarolarning muammolarini aniqlash borasidagi ishlar muhokama qilindi.
Shuningdek, mahalladagi mavjud muammolarni o‘z vaqtida aniqlash, ularni “mahalla yettiligi” vakillari bilan hamkorlikda hal etish hamda ehtiyojmand oilalarga manzilli yordam ko‘rsatish masalalariga alohida e’tibor qaratildi.

Nazorat — natija va amaliy yechim uchun

Deputatlik nazorat-tahlil tadbiri Oliy Majlis Senati tomonidan mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari asosida tashkil etildi.

Jumladan, O‘zbekiston Respublikasi Prezidentining 2026-yil 24-iyundagi PF–116-son Farmonida belgilangan vazifalarning mahalladagi ijrosi, mahalla raisining boshqaruv va muvofiqlashtirish faoliyati, ijtimoiy xodimning aholi bilan ishlash samaradorligi hamda fuqarolar muammolarini hal etish amaliyoti tahlil qilindi.

O‘rganish yakunida mahalla boshqaruvini takomillashtirish, mas’ul xodimlar hamkorligini kuchaytirish va aholiga ko‘rsatilayotgan xizmatlar samaradorligini oshirish yuzasidan tegishli tavsiyalar berildi.