📌 Xalq deputatlari Chinoz tumani Kengashining ish rejasiga muvofiq, 21-Sharof Rashidov saylov okrugidan saylangan deputat Ra’no Fozilova tomonidan biriktirilgan Chinoz tumani Maktabgacha va maktab ta’limi bo‘limining faoliyati o‘rganildi.
🔎 O‘rganish jarayonida bo‘lim tomonidan ta’lim sifatini oshirish, o‘quvchilar bilimini baholash va tahlil qilish, shuningdek, pedagoglarning kasbiy salohiyatini rivojlantirish borasida amalga oshirilayotgan ishlar ko‘rib chiqildi.
📚 Jumladan, bo‘limning mas’ul xodimlari Keldiyev Raximjon, Pardakulov Rashid hamda Toshpo‘latova Zubaydalarning o‘z yo‘nalishlari bo‘yicha olib borayotgan ishlari, ta’lim jarayonini takomillashtirish va pedagoglar malakasini oshirishga qaratilgan chora-tadbirlar tahlil qilindi.
🤝 Shuningdek, deputat va bo‘lim o‘rtasidagi hamkorlikni yanada kuchaytirish, ta’lim sifatini muntazam monitoring qilish, o‘quvchilarning o‘zlashtirish ko‘rsatkichlarini tahlil etish hamda pedagoglarning kasbiy rivojlanishini qo‘llab-quvvatlash masalalariga e’tibor qaratildi.
📋 O‘rganish yakunida ta’lim sohasida belgilangan vazifalar ijrosini ta’minlash, aniqlangan masalalarni hamkorlikda hal etish va kelgusida amalga oshiriladigan ishlar samaradorligini oshirish yuzasidan tegishli vazifalar belgilab olindi.