Xalq deputatlari Yangiobod tuman Kengashi deputati A. Isroilov tuman tibbiyot birlashmasi hududida bo‘lib, bemorlar va tibbiyot xodimlari harakati uchun muhim bo‘lgan ichki yo‘llarning holatini joyiga chiqqan holda o‘rgandi.

O‘rganish davomida hududdagi ichki yo‘llarni tekislash, obodonlashtirish va harakatlanish uchun qulay sharoit yaratish bo‘yicha amalga oshirilayotgan ishlar bilan yaqindan tanishildi.

Yo‘lning holati — oddiy masala emas. Bu, avvalo, bemorlarning tibbiyot muassasasiga xavfsiz va qulay yetib kelishi, shuningdek, tibbiyot xodimlari hamda xizmat transportlarining erkin harakatlanishi uchun muhimdir.

Deputat tomonidan ichki yo‘llarni sifatli tekislash, hududni tartibga keltirish va boshlangan obodonlashtirish ishlarini yakuniga yetkazish yuzasidan tegishli tavsiyalar berildi.

Muhimi, masala shunchaki o‘rganish bilan cheklanmay, amalga oshirilayotgan ishlarning natijadorligini ta’minlash maqsadida deputatlik nazoratiga olindi.