BAHOR MFYDA MAKTABGA BORISH YO‘LI ASFALTLANMOQDA
Xalq deputatlari Pastdarg‘om tumani Kengashining 2026-yil 10-sentabrdagi VII-34-115-7-101-K/26-son qarori bilan mahallalarda yo‘l infratuzilmasini yaxshilash va aholi uchun qulay sharoit yaratish maqsadida mablag‘ ajratildi.
📍 Mazkur mablag‘lar hisobidan Bahor MFY hududidagi 79-umumiy o‘rta ta’lim maktabiga olib boruvchi yo‘lga asfalt qoplamasi yotqizish ishlari amalga oshirilmoqda.
💰 Loyiha qiymati 1 mlrd 552 mln 500 ming so‘mni tashkil etadi.
🔹 Moliyalashtirish manbai: Fuqarolar tashabbusi jamg‘armasi
🔹 Buyurtmachi: Samarqand mintaqaviy yo‘llarga buyurtmachi DM
🔹 Loyiha-smeta hujjatlari: mavjud
🔹 Amalga oshirish tartibi: tender asosida
🔹 Tashkilot: Pastdarg‘om tumani Obodonlashtirish boshqarmasi
Mazkur loyiha, avvalo, 79-maktabga qatnovchi o‘quvchilar, pedagoglar va mahalla aholisining xavfsiz hamda qulay harakatlanishini ta’minlashga xizmat qiladi.