Xalq deputatlari Paxtakor tumani Kengashi deputati tomonidan Chamanzor mahallasidagi Navoiy ko‘chasining ichki yo‘l holati o‘rganildi.

O‘rganish davomida ko‘chaning 350 metr qismini asfaltlashtirish zarurati mavjudligi aniqlandi. Mazkur yo‘lni tartibga keltirish aholi uchun qulay va xavfsiz harakatlanish sharoitlarini yaratish hamda hudud infratuzilmasini yaxshilashda muhim ahamiyat kasb etadi.

Shu munosabat bilan, Navoiy ko‘chasining 350 metr qismini asfaltlashtirish yoki ushbu yo‘lni kelgusida amalga oshiriladigan tegishli manzilli dasturlarga kiritish yuzasidan mas’ul tashkilotlarga deputatlik so‘rovi yuborildi.

Masala deputatlik nazoratiga olinib, murojaat yuzasidan ko‘riladigan choralar va amalga oshiriladigan ishlar o‘rganib boriladi.