Xalq deputatlari tuman Kengashi deputati, tuman hokimi I.B. Qarshiboyev, “Biznesni rivojlantirish banki” ATB vakili D.Sh. Nomozov hamda bankning Jizzax viloyati boshlig‘i F.A. Ikromov ishtirok etdi.

Muloqot davomida tadbirkorlarning mavjud muammolari, taklif va tashabbuslari, shuningdek, amalga oshirilishi rejalashtirilayotgan yangi loyihalari atroflicha o‘rganildi.

Tadbirkorlarga loyihalarni moliyalashtirish imkoniyatlari, imtiyozli kredit ajratish shartlari va bank xizmatlaridan foydalanish tartibi yuzasidan batafsil amaliy tushuntirishlar berildi.

Uchrashuv yakunida tadbirkorlar tomonidan ko‘tarilgan masalalarni hal etish, aniqlangan muammolarni bartaraf qilish hamda loyihalarni qo‘llab-quvvatlash bo‘yicha mas’ullarga tegishli vazifalar yuklatildi.

Bildirilgan murojaatlarni o‘z vaqtida ko‘rib chiqish va har bir masala yuzasidan amaliy choralar ko‘rishga kelishib olindi.

Mazkur ochiq muloqot tadbirkorlik subyektlarini qo‘llab-quvvatlash, davlat va bank tashkilotlari o‘rtasidagi hamkorlikni yanada kuchaytirish, yangi loyihalarni hayotga tatbiq etish hamda qo‘shimcha ish o‘rinlari yaratishga xizmat qiladi.