#Deputatlik_nazorati #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati

❗️MAKTABGACHA TA’LIM MUASSASASIDAGI SHAROITLAR DEPUTAT TOMONIDAN O‘RGANILDI

🏛 Xalq deputatlari Toshkent shahar Kengashining 20-“Foziltepa” saylov okrugi deputati Iftixor Ziyoyev Uchtepa tumanidagi 244-sonli davlat maktabgacha ta’lim tashkilotida bo‘lib, muassasaning bugungi holati hamda bolajonlar uchun yaratilgan sharoitlarni bevosita joyiga chiqib o‘rgandi.

🔺 O‘rganish davomida tarbiyalanuvchilarning ta’lim-tarbiya olishi, ovqatlanishi uchun yaratilgan sharoitlar, muassasaning moddiy-texnik va infratuzilmaviy holatiga alohida e’tibor qaratildi. Ayni paytda mazkur maktabgacha ta’lim tashkilotida 270 nafar bolajon tarbiyalanmoqda.

🏗 1979-yilda qurilgan ushbu muassasa hozirga qadar kapital ta’mirdan chiqarilmagan. Joyiga chiqib o‘rganish davomida binoning issiqlik tizimi, tom va fasad qismlari, shuningdek, muassasa hududidagi yo‘laklar ta’mirtalab holatda ekani aniqlandi.

♨️ Ayniqsa, kuz-qish mavsumi oldidan isitish tizimining holati alohida ko‘rib chiqildi. Bolalarning sovuq mavsumda issiq va xavfsiz sharoitda ta’lim-tarbiya olishini ta’minlash uchun mavjud kamchiliklarni bartaraf etish zarurligi qayd etildi.

📝 Mahalliy Kengash deputati faoliyatining eng muhim yo‘nalishlari doirasida bolalar uchun yaratilgan sharoitlarni o‘rganish, ijtimoiy obyektlarning moddiy-texnik holatiga e’tibor qaratish hamda kuz-qish mavsumiga tayyorgarlik masalalarini bevosita joyida ko‘rib chiqish ustuvor vazifalardan hisoblanadi.

💰 O‘rganish natijasida Iftixor Ziyoyev deputatlik tashabbuslari uchun ajratilgan 1 milliard so‘m mablag‘ni 244-sonli davlat maktabgacha ta’lim tashkilotidagi muammolarni bartaraf etishga yo‘naltirish bo‘yicha kelishuvga erishdi. Mazkur mablag‘ hisobidan, avvalo, issiqlik tizimini ta’mirlash, binoning tom qismini yaxshilash hamda hudud yo‘laklarini asfaltlash ko‘zda tutilmoqda.

🔎 Deputat ta’lim muassasalaridagi muammolarni faqat hujjatlar asosida emas, balki joyiga chiqib o‘rganish, bolalar va pedagoglar uchun yaratilgan sharoitlarni amalda ko‘rish hamda aniqlangan kamchiliklarga manzilli yechim topish muhimligini qayd etdi.

🌱 Amalga oshirilishi rejalashtirilgan ta’mirlash ishlari 244-sonli davlat maktabgacha ta’lim tashkilotida tarbiyalanayotgan 270 nafar bolajon uchun yanada qulay, xavfsiz va munosib sharoit yaratishga xizmat qiladi.

📱 Telegram 📱 Instagram 📱 Facebook 📱 YouTube 🔎 E-kengash