🏘 Aholi daromadini oshirish va bandligini ta’minlashga e’tibor
O‘zbekiston Respublikasi Prezidentining 2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risidagi PQ-49-son qarori ijrosi yuzasidan hududlarda amaliy ishlar olib borilmoqda.
🔎 Mazkur qaror doirasida Xalq deputatlari Shovot tumani Kengashi kotibiyati mudiri I. Masharipov hamda bosh mutaxassisi U. Ro‘zmetov tomonidan Shovot mahallasida yangidan tashkil etilgan tadbirkorlik faoliyati o‘rganildi.
🏪 O‘rganish davomida yangi tashkil etilgan tadbirkorlik subyekti faoliyati, yaratilgan sharoitlar hamda aholi bandligini ta’minlash borasidagi ishlar bilan tanishildi.
👥 Tadbirkorlik faoliyati yo‘lga qo‘yilishi natijasida 2 ta yangi ish o‘rni yaratilgani alohida qayd etildi. Bu esa mahalla aholisi, ayniqsa, mehnatga layoqatli fuqarolarni doimiy daromad manbai bilan ta’minlashda muhim ahamiyat kasb etadi.
📈 Hududlarda tadbirkorlikni rivojlantirish, yangi ish o‘rinlarini yaratish va aholi daromadlarini oshirish orqali kambag‘allikni qisqartirish — mazkur qarorda belgilangan ustuvor vazifalardan biridir.
🤝 Bunday amaliy tashabbuslar mahallalarda iqtisodiy faollikni oshirish, yangi ish o‘rinlarini yaratish hamda aholi farovonligini yuksaltirishga xizmat qiladi.
✨ Tadbirkorlik rivoji — bandlik va farovonlik garovi!