🏫 Kuz-qish mavsumiga tayyorgarlik jarayoni o‘rganildi

Xalq deputatlari Sherobod tumani Kengashi Kotibiyati mudiri
O. Tursunov hamda Kengash Kotibiyati bosh mutaxassisi
Sh. Xo‘janazarov tomonidan Xo‘jaqiya-1 mahalla hududida joylashgan 9-son umumta’lim maktabining kuz-qish mavsumiga tayyorgarlik holati o‘rganildi.

🔹 O‘rganish davomida ta’lim muassasasining kuz-qish mavsumini betalafot o‘tkazishga tayyorgarligi, jumladan, issiqlik tizimi, isitish qurilmalari, elektr ta’minoti va mavjud sharoitlar ko‘zdan kechirildi.

▪️ Maktab binosida o‘quvchilar va pedagoglar uchun zarur bo‘lgan qulay sharoitlarni yaratish, mavsum davomida yuzaga kelishi mumkin bo‘lgan muammolarning oldini olish masalalariga alohida e’tibor qaratildi.

📌 O‘rganish yakunlari bo‘yicha aniqlangan kamchiliklarni bartaraf etish hamda ta’lim muassasasining kuz-qish mavsumini barqaror va xavfsiz o‘tkazishini ta’minlash yuzasidan tegishli tavsiyalar berildi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube