#162_ta_qonun
📌 DEPUTATLAR TOMONIDAN QONUN IJROSI O‘RGANILMOQDA

Xalq deputatlari Sherobod tumani Kengashi deputatlari tomonidan O‘zbekiston Respublikasining 1998-yil 29-avgustdagi 674-I-son “Avtomobil transporti to‘g‘risida”gi Qonuni ijrosi yuzasidan avtomobil transporti sohasida faoliyat yurituvchi korxona va tashkilotlarda o‘rganish ishlari olib borilmoqda.

🔹 O‘rganish davomida quyidagi masalalarga e’tibor qaratilmoqda:
▪️ avtomobil transporti sohasida qonunchilik talablariga rioya etilishi;
▪️ yo‘lovchi va yuk tashish xizmatlarining sifati, xavfsizligi va uzluksizligi;
▪️ tashuvchilarning belgilangan talablar asosida faoliyat yuritishi, litsenziya va ruxsat berish tartiblariga rioya etilishi;
▪️ transport vositalarining texnik sozligi, yo‘lovchilar xavfsizligini ta’minlash va transport infratuzilmasidan samarali foydalanish;
▪️ haydovchilarning belgilangan talablarga rioya qilishi va tashish jarayonida xavfsizlik choralarining ta’minlanishi;
▪️ yo‘lovchilar hamda yuk jo‘natuvchilarning huquq va qonuniy manfaatlari himoya qilinishi.
🔎 Shuningdek, avtomobil transporti xizmatlarining aholiga qulay, xavfsiz va sifatli ko‘rsatilishi, sohada mavjud muammolar hamda ularni bartaraf etish bo‘yicha amalga oshirilayotgan ishlar o‘rganilmoqda.

📌 O‘rganishlar yakuni bo‘yicha aniqlangan kamchiliklarni bartaraf etish, transport xizmatlari sifatini oshirish va qonunchilik talablariga rioya etilishini ta’minlash yuzasidan tegishli taklif va tavsiyalar ishlab chiqiladi.

🔹 Mazkur o‘rganishlar deputatlik nazoratini kuchaytirish, avtomobil transporti sohasida qonuniylikni ta’minlash hamda aholiga ko‘rsatilayotgan transport xizmatlari sifati va xavfsizligini oshirishga qaratilgan.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube