Xalq deputatlari Paxtakor tumani Kengashi deputatlari K.Mamanova va S.Ulug‘murodov tomonidan Suvonobod mahallasida faoliyat yuritayotgan xususiy uy bog‘chalaridagi sharoitlar o‘rganildi.

O‘rganish davomida bolalar uchun yaratilgan sharoitlar, ta’lim-tarbiya jarayoni, sanitariya-gigiyena talablari hamda bolalarning maktabgacha ta’lim va tarbiya olish huquqini ta’minlash, ular uchun qulay va xavfsiz muhit yaratish hamda ta’lim-tarbiya sifatini oshirish masalalariga alohida e’tibor qaratildi.

Mazkur o‘rganishlar O‘zbekiston Respublikasining 2019-yil 16-dekabrdagi O‘RQ-595-son “Maktabgacha ta’lim va tarbiya to‘g‘risida”gi Qonuni ijrosini ta’minlash, shuningdek, maktabgacha ta’lim sohasida belgilangan talablarning amalda bajarilishini o‘rganish maqsadida amalga oshirildi.