Xalq deputatlari Jondor tumani Kengashiga 4-Dalmun saylov okrugidan saylangan deputat O. SHerov hamda tuman Kengashi kotibiyati mudiri I. Xolov hamkorligida Qazoqon mahallasidagi madaniy meros obyektlaridan biri — «Qizbibi» ziyoratgohida bo‘lib, bu yerda amalga oshirilgan ta’mirlash va tiklash ishlari bilan tanishdilar.
➡️Tashrif davomida ziyoratgohning bugungi holati, obyektda olib borilgan ta’mirlash-tiklash ishlarining sifati hamda hududni obodonlashtirish borasida amalga oshirilayotgan ishlar ko‘zdan kechirildi.
➡️«Qizbibi» ziyoratgohi mahallaning tarixiy-madaniy merosini o‘zida mujassam etgan qadimiy maskanlardan biri sifatida alohida ahamiyatga ega. Bunday obyektlarni asrab-avaylash, ularni kelgusi avlodlarga asl qiyofasini saqlagan holda yetkazish muhim vazifalardan sanaladi.
➡️Muloqot davomida obyektni yanada obodonlashtirish, ziyoratchilar uchun zarur sharoitlarni yaxshilash hamda madaniy meros obyektlarini muhofaza qilish borasidagi ishlarni izchil davom ettirish yuzasidan fikr-mulohazalar bildirildi.
➡️Deputatning saylov okrugidagi bunday o‘rganishlari hududdagi mavjud muammolarni aniqlash, tarixiy obidalarni asrash va ulardan samarali foydalanishga qaratilgan amaliy chora-tadbirlarni kuchaytirishga xizmat qiladi.