ТАШАББУСЛИ БЮДЖЕТНИНГ ҒОЛИБ ЛОЙИҲАЛАРИНИ МОЛИЯЛАШТИРИШ МАСАЛАСИ КЎРИБ ЧИҚИЛДИ
Халқ депутатлари Янгиқўрғон тумани Кенгашининг навбатдаги сессиясида «Ташаббусли бюджет» жараёнининг 2026 йил 2-мавсуми якунлари ҳамда ғолиб лойиҳаларни молиялаштириш масаласи муҳокама қилинди.
Мазкур масала юзасидан — Иқтисодиёт ва молия бўлими бошлиғи ҳисобот берди.
Маълум қилинишича, жорий мавсумда фуқаролар томонидан жами 172 та ташаббус илгари сурилган. Шундан белгиланган мезонларга мувофиқ деб топилган 164 та лойиҳа овоз бериш босқичига ўтказилган.
Ғолиб лойиҳаларни амалга ошириш учун «Фуқаролар ташаббуси жамғармаси»га жами 21 миллиард 244 миллион сўм маблағ йўналтирилган. Овоз бериш натижаларига кўра, умумий қиймати 20 миллиард 469 миллион сўм бўлган 13 та лойиҳа ғолиб деб топилган.
Ғолиб лойиҳаларнинг:
🔹 11 таси — ички йўлларни таъмирлашга;
🔹 1 таси — дренаж ва ариқларни тартибга келтиришга;
🔹 1 таси — соғлиқни сақлаш муассасасининг моддий-техник базасини ривожлантиришга қаратилган.
Депутатлар томонидан ҳисобот эшитилиб, муҳокама қилинди ҳамда ғолиб лойиҳаларни молиялаштириш юзасидан тегишли қарор қабул қилинди.