СЕССИЯДА ҚОРАСУВ МАҲАЛЛАСИДА ПИЁДАЛАР ЙЎЛАКЧАСИНИ ТАЪМИРЛАШ МАСАЛАСИ КЎРИБ ЧИҚИЛДИ
Халқ депутатлари Янгиқўрғон тумани Кенгаши сессиясида Қорасув маҳалласидан ўтувчи Наманган–Нанай автомобиль йўлидаги 320 метр пиёдалар йўлакчасини қайта таъмирлаш масаласи эшитилди.
Лойиҳа доирасида:
18 дона қуёш панелли тунги ёритиш чироғи;
1 000 квадрат метр йўлак ва лоток қурилиши учун 175 куб метр бетон маҳсулоти;
320 метр лоток;
320 метр бордюр харид қилиш;
ер ишлари ва махсус техника харажатларини молиялаштириш режалаштирилган.
Ушбу ишларни амалга ошириш учун жами 281 миллион сўм маблағ талаб этилиши маълум қилинди.
Масала атрофлича муҳокама қилиниб, лойиҳани Ўзбекистон Республикаси Президентининг 2025 йил 30 январдаги ПФ–17-сон Фармони талаблари асосида «Инфратузилма ва ижтимоий барқарорлик» жамғармаси маблағлари ҳисобидан молиялаштириш юзасидан тегишли қарор қабул қилинди.
Мазкур лойиҳа аҳолининг хавфсиз ва қулай ҳаракатланиши учун зарур шароит яратиш, йўл-транспорт ҳодисаларининг олдини олиш ҳамда маҳалла инфратузилмасини яхшилашга хизмат қилади.