⚖️ QONUN TARG‘IBOTI DOIRASIDA

Xalq deputatlari Angor tumani Kengashi 3-Gilambob saylov okrugi deputati Mavlonova Ra’no hamda Kengash kotibiyati mudiri M. Yarmatov tomonidan voyaga yetmaganlarning huquq va qonuniy manfaatlarini himoya qilishga qaratilgan qonun hujjatlari mazmun-mohiyatini aholiga yetkazish maqsadida targ‘ibot tadbiri o‘tkazildi.

Tadbir davomida “Voyaga yetmaganlarga ijtimoiy-huquqiy yordam ko‘rsatishni yanada takomillashtirish chora-tadbirlari to‘g‘risida”gi hujjatning mazmun-mohiyati, voyaga yetmaganlarga ijtimoiy-huquqiy yordam ko‘rsatishning ahamiyati hamda ularning huquq va manfaatlarini ta’minlash borasidagi muhim jihatlar haqida tushuntirishlar berildi.

Shuningdek, voyaga yetmaganlarning huquqlarini himoya qilish, ularni turli salbiy ta’sirlardan asrash hamda zarur hollarda ijtimoiy va huquqiy ko‘mak ko‘rsatish masalalariga alohida e’tibor qaratildi.

Qonun targ‘iboti — aholining huquqiy savodxonligini oshirish va qonuniylikni mustahkamlashning muhim vositasidir.