Sayyor qabulda Xalq deputatlari Qumqo‘rg‘on tumani Kengashi kotibiyati mudiri Sh.Abdusamatov ishtirok etdi.
Sayyor qabul davomida fuqarolar o‘zlarini qiynayotgan masalalarni bevosita tuman rahbariga yetkazdi. Xususan, ichki yo‘llarni ta’mirlash, oqova va ichimlik suvi ta’minotini yaxshilash, elektr energiyasi bilan bog‘liq masalalar hamda boshqa dolzarb muammolar yuzasidan murojaatlar tinglandi.
Har bir murojaat bo‘yicha mas’ullar belgilanib, muammolarni joyida o‘rganish, amaliy choralar ko‘rish va ijrosini ta’minlash bo‘yicha tegishli vazifalar belgilandi. Murojaatlarning bajarilishi alohida nazoratga olindi.
Bunday sayyor qabullar — aholining murojaatlarini shunchaki eshitish emas, balki muammoni mahallaning o‘zida o‘rganib, uning aniq yechimini topishga qaratilgan amaliy muloqotdir.
Xalq bilan ochiq muloqot, odamlarning dardini eshitish va muammolarga yechim topish — ustuvor vazifa.