Xalq deputatlari Qo‘qon shahar Kengashi deputati F.Qaxxarova tomonidan “Kalvak” mahalla fuqarolar yig‘inida hokim yordamchisi X.Zokirovning O‘zbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi hamda 2012-yil 2-maydagi O‘RQ-328-sonli “Tadbirkorlik faoliyati erkinligining kafolatlari to‘g‘risida”gi qonunlari ijrosini ta’minlash borasida amalga oshirayotgan ishlari yuzasidan o‘rganish o‘tkazildi.

O‘rganish davomida “Kalvak” MFYda hokim yordamchisi X.Zokirov tomonidan mazkur qonunlar talablarini amalga oshirish yuzasidan bir qator ishlar olib borilgani ma’lum bo‘ldi.

Jumladan:

10 nafar fuqaro doimiy ish bilan ta’minlangan;

20 ta oilaga imtiyozli kredit ajratilgan;

Kambag‘allik reyestrida turuvchi 10 nafar fuqaro vaucher asosida kasb-hunarga o‘qitilgan.

Shuningdek, o‘rganish davomida fuqarolarning mazkur imtiyozlardan foydalanish imkoniyatlari, yo‘llanmalar ajratish mezonlari, murojaatlarni ko‘rib chiqish tartibi hamda ehtiyojmand fuqarolarga ko‘rsatilayotgan xizmatlar samaradorligini yanada oshirish masalalari yuzasidan fikr almashildi.

Aholining bandligini ta’minlash, oilaviy tadbirkorlikni rivojlantirish va ehtiyojmand fuqarolarni qo‘llab-quvvatlashga qaratilgan ishlarni izchil davom ettirish muhimligi ta’kidlandi.

Xalq deputatlari Qo‘qon shahar Kengashi