#24_másele
#58_sanlı_Taza jol_saylaw_okrugi
#Adolat_social_demokratik_partiyası

🗓 Ishki jollar úyrenilmekte….

Qaraqalpaqstan Respublikası Joqarǵı Keńesi deputatı F.Palvanova hám Xalıq deputatları Shımbay rayonlıq Keńesi sekretariatı bas qánigesi N.Berdimuratov birgelikte “Taǵjap” APJ ishki jollardı abadanlastırıw, xalıq ushın qolaylı hám qáwipsiz háreketleniw sharayatların jaratıw maqsetinde ámelge asırılıp atırǵan qum tas aralas sheben (ShPS) tósew jumısları úyrendi.

Úyreniw procesinde “Taǵjap” awıl puqaralar jıyını Aralbay awılındaǵı 3,8 km ishki jollardıń házirgi jaǵdayı, xalıqtıń usı jollardan kúndelikli paydalanıw imkaniyatları hám ámelge asırılıp atırǵan abadanlastırıw jumıslarınıń sapasına ayrıqsha itibar qaratıldı. Atap aytqanda, jollardı tegislew, usı awılǵa qum tas aralas sheben (ShPS) tósew, jol qaplamasın bekkemlew hám transport quralları jáne piyadalardıń erkin háreketleniwi ushın múnásip sharayat jaratıw boyınsha jaqın kúnlerde baslanıwı aldında turǵan jumıslar kózden ótkerildi.
Deputat ámelge asırılıwı kútilip atırǵan jumıslar xalıqtıń múrájat hám usınısların esapqa alǵan halda, belgilengen talaplar tiykarında sapalı hám óz waqtında orınlanıwı áhmiyetli ekenin atap ótti. Sonday-aq, ishki jollardıń jaǵdayın jaqsılaw xalıqtıń kúndelikli turmısı ushın qolaylıq jaratıw, ásirese, jawın-shashınlı hám gúz-qıs máwsiminde háreketleniw menen baylanıslı qıyınshılıqlardı kemeytiwge xızmet etetuǵının atap ótti.