#Deputatlik_nazorati #Kotibiyat_hududlarda #24_ta_tavsiyaviy_savol #162_ta_eng_muhim_qonun #ekspert_guruhlari #Doimiy_komissiya_nazorati

Deputatlik nazorati - ichki yo‘llar holati joyida o‘rganilmoqda

📈 Aholi uchun qulay va xavfsiz infratuzilmani yaratish — hududlarni rivojlantirishning muhim yo‘nalishlaridan biridir. Shu bois Uchtepa tumanida ichki yo‘llarni saqlash va joriy ta’mirlash ishlari ustidan deputatlik nazorati kuchaytirilmoqda.

📁 Xalq deputatlari Uchtepa tumani Kengashining 2026-yil 1-apreldagi III-27-28-14-202-K/26-sonli qaroriga hamda tuman Kengashi deputatlari taqdim qilgan ro'yxatga asosan, tumandagi ichki yo‘llarda amalga oshirilgan ta’mirlash ishlarining natijalari joyiga chiqib o‘rganilmoqda.

📍 Navbatdagi o‘rganish Chamanzor mahallasidagi Mirxond 3-tor ko‘chasida olib borildi. Bu yerda amalga oshirilgan asfaltlash ishlari, yo‘l qoplamasining sifati va bugungi holati ko‘zdan kechirilib, aholining fikr va takliflari ham o‘rganildi.

🗂 Mazkur ishlar O‘zbekiston Respublikasi Prezidentining 2023-yil 10-oktabrdagi PQ-330-son qarori, 2026-yil uchun Davlat byudjeti to‘g‘risidagi qonun hamda Vazirlar Mahkamasining 2024-yil 11-oktabrdagi 665-son qarori ijrosi doirasida amalga oshirilmoqda.

💼 O‘rganishda xalq deputatlari Uchtepa tumani Kengashining agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi a’zolari Xudayberganov Avaz Abrarovich va Djalolov Sanjar Gayratovich, Kengash kotibiyati bosh mutaxassisi Umidbek Abilov, Ekspert guruhi a’zolari hamda mahalla faollari ishtirok etdilar.

📊 Asosiy e’tibor — bajarilgan ishlarning sifatini baholash, mavjud muammolarni aniqlash va aholining kundalik hayotiga bevosita ta’sir qiluvchi masalalarni joyida hal etishga qaratilmoqda.

🧠 Deputatlik nazorati — hujjatdagi topshiriqning amaldagi natijasini ko‘rish, aholi fikrini eshitish va muammoni joyida o‘rganishdir. Uchtepa tumanida obod va zamonaviy yo‘l infratuzilmasini shakllantirish, mahallalar ravnaqi hamda aholi uchun munosib sharoit yaratish yo‘lidagi ishlar izchil davom ettiriladi.