Xo‘jaidod MFY raisi faoliyati o‘rganildi
Xalq deputatlari tuman Kengashi kotibiyati mudiri O‘. Murodov hamda Xo‘jaidod mahallasidan saylangan tuman Kengashi deputati Yu. Aliyev ishtirokida Xo‘jaidod MFY raisining faoliyati o‘rganildi.
O‘rganish davomida mahallada aholi bilan ishlash, fuqarolarning murojaatlarini o‘rganish va ularning muammolarini hal etish, hududni obodonlashtirish, ijtimoiy-ma’naviy muhitni yaxshilash hamda mahalla hududida amalga oshirilayotgan ishlarni muvofiqlashtirish borasidagi faoliyatiga alohida e’tibor qaratildi.
Shuningdek, mahalla raisining sektor va tegishli tashkilotlar bilan hamkorligi, aholining ehtiyojmand qatlamlarini qo‘llab-quvvatlash, xonadonbay ishlash tizimini yo‘lga qo‘yish hamda mahalladagi mavjud muammolarni aniqlab, ularni tegishli tashkilotlar bilan hamkorlikda bartaraf etish borasidagi ishlari tahlil qilindi.
O‘rganish yakunlari bo‘yicha aniqlangan masalalar yuzasidan tegishli tavsiya va takliflar berilib, mahalla raisi faoliyatini yanada samarali tashkil etish bo‘yicha vazifalar belgilab olindi.