Oltiariq tumani hokimi, tuman Kengashi deputati Sh.Turdaliyev mas’ul rahbarlar ishtirokida Qiziltepa mahallasida amalga
oshirilayotgan ishlar yuzasidan muhokama o‘tkazdi


Unda mahalla «yettiligi»ning hududni ijtimoiy-iqtisodiy rivojlantirish, aholi bandligini ta’minlash, yangi ish o‘rinlari yaratish, kambag‘allikni qisqartirish, tadbirkorlikni qo‘llab-quvvatlash va obodonlashtirish borasidagi faoliyati tahlil qilindi. Mahalla
raisi hamda hokim yordamchisi tomonidan yangi loyihalar, aholi bandligini ta’minlash va kelgusidagi vazifalar ijrosi yuzasidan axborot berildi.
Shuningdek, aholi murojaatlarini o‘rganish, mavjud muammolarni joyida hal etish, xotin-qizlar va yoshlar bilan manzilli ishlash masalalariga alohida e’tibor qaratildi. «Xavfsiz va obod mahalla» tamoyilini ta’minlash, jamoat tartibini mustahkamlash, hudud
obodligini oshirish hamda aniqlangan kamchiliklarni bartaraf etish bo‘yicha mas’ullarga tegishli topshiriqlar berildi.