Xalıq deputatları Bozataw rayonlıq Keńesi 4-sanlı "Tórtkúl" saylaw okruginen saylanǵan deputat A.Jangabaeva Qusxanataw APJ aymaǵındaǵı 95V059D avtomobil jolınıń 1,8-kilometrinde jaylasqan kópirdiń házirgi jaǵdayın ornında kózden ótkerdi.

Úyreniw dawamında kópirdegi kemshilikler hám onıń házirgi texnikalıq jaǵdayı menen tanısıp, jol qatnawshıları ushın qáwipsiz hám qolaylı sharayat jaratıw zárúr ekenligi atap ótildi.

Anıqlanǵan máselelerdi saplastırıw maqsetinde tiyisli shólkemlerge deputatlıq soraw jiberiw, kópirde zárúr ońlaw hám qayta tiklew jumısların alıp barıw, sonday-aq, orınlanǵan jumıslardıń nátiyjeleri boyınsha maǵlıwmat beriw máseleleri belgilenedi.

Kópir jaǵdayı deputat qadaǵalawına alındı. Deputatlıq soraw jiberilip, máselelerdiń sheshimi qadaǵalaw astında boladı.