Xalq deputatlari Sardoba tumani Kengashi tuman deputati N.Xamidova Xalqaobod mahalla fuqarolar murojaatlari bilan yaqindan tanishildi.
Tashrif davomida aholi tomonidan bildirilgan murojaatlarning ijro holati, ularni qonuniy va o‘z vaqtida hal etish bo‘yicha amalga oshirilayotgan ishlar o‘rganildi. Shuningdek, fuqarolar bilan ochiq muloqot o‘tkazilib, ularni qiynayotgan ijtimoiy, iqtisodiy va maishiy masalalar tinglandi.
Murojaatlarda ko‘tarilgan masalalar yuzasidan mas’ul tashkilotlar bilan hamkorlikda tegishli chora-tadbirlarni amalga oshirish, muammolarni qonunchilik doirasida ijobiy hal etish hamda aholi murojaatlariga e’tiborni yana-da kuchaytirish bo‘yicha tegishli tavsiya va topshiriqlar berildi.
Fuqarolar murojaatlari bilan ishlash tizimini takomillashtirish, aholi bilan doimiy muloqotni ta’minlash va ularning qonuniy manfaatlarini himoya qilish ustuvor vazifalardan biri ekani alohida ta’kidlandi.